ANG MGA EGONGOT

Ayon sa literatura, ang baybay ng salitang “Egongot” ay nagmula sa unlapi na “e”  na nangangahulugang “galing o nagmula” at sa salitang ugat na “gongot” na nangangahulugang “gubat”. Sa kabuuan ang tagalog ng EGONGOT ay “taga gubat”. 

 Ilan sa mga manunulat at mga taga tala ng kasaysayan ay may kanya -kanyang paniniwala at eksplanasyon sa kung saan  nga ba nagmula ang mga Egongot. Ang iba ay naniniwala na ang tribong ito ay nagmula sa mga Indonesian na naglayag papuntang Pilipinas noong unang panahon at nanirahan sa kanluran ng Sierra Madre at sa kabundukan ng Caraballo. Mayroon naman sa kanila ang nagsasabing ang mga Egongot ay tulad sa mga Malay na may tradisyon ng pamumugot at may diyalekto na nagmula sa pamilya ng Austrinesian at sa Western-Malayo-Polinesian.

Orihinal na Katutubo sa Maria Aurora

Bagamat simpleng-simple lang ang kanilang pananamit ( G-string sa lalaki na nakapulupot ng limang beses sa baywang at may isang piraso ng  balat ng punongkahoy bilang panakip sa pribadong parte ng katawan at sa babae ay saya na itinatapos mula baywang hanggang tuhod) mapaglagay naman sila ng kung anu-anong palamuti sa katawan.

Ang mga lalaki ay may mga kwintas ng pinagdugtong-dugtong na mga ngipin ng baboy ramo na kung tawagin ay panglao,mga hikaw kung tawagin ay batling at mga bilog na alambreng brass. Ang panglao at battling ay yari sa Beads. Napupuluputan ng brass wires ang baywang ng mga babae, maging ang pulso, at paa ng mga lalaki.  Ang kamay naman ay napupuluputan ng benda at fibers, pinaniniwalaang nakapagpapalakas ang mga ito. Bahagi   na ng gayak ng lalaking Egongot ang itak na nakasukbit sa baywang at maliit na basket na lalagyan ng nganga kung tawagin ay Kopel.ang mga binata ay naglalagay ng bulaklak sa itaas ng braso ngunit ito’y hindi bilang palamuti kundi  sagisag na siya’y isang binata.

Sa ngayon, nagiging modernisado na rin ang kasuotan ng mga ilang Egongot. Ang orihinal nilang damit ay kadalasang isinusuot nalang tuwing may espesyal na okasyon na noon ay nakapaa lang sila ngunit ngayon marami na sa kanila ang nakatsinelas at nakasapatos.